احصل علي اقامة في جورجيا في 3 خطوات

الأزمة الاقتصادية وظروف المعيشة في مصر مش محتاجين نتكلم عنهم كتير، لأنهم اصبحوا بيمثلوا عبء علي شريحة كبيرة من المجتمع والسواد الأعظم من الشريحة دة، من فئة الشباب.

الهجرة او السفر سعات بيكونوا حل ولو مؤقت لما بتكون مش قادر تحقق الي نقسك فيه جوة بلدك، فبتحاول تحققة في مكان تاني، خصوصًا لما الظروف بتكون ضد طموحاتك.

بس قبل مانتكلم عن اي شئ متعلق بالسفر او الهجرة ، اشمعني البلد دة بالذات !

اشمعني جورجيا !

1- أولاً لو بصيت حواليك هتلاقي دول كتير بقي صعب جداً السفر ليها، اما بسبب ان كتير سافروا هناك قبلك او لأن البلاد ده نفسها غيرت قوانينها واصبحت الهجرة اليها شئ مش سهل، والكلام ده ينطبق علي دول الخليج ومعظم دول اوروبا او امريكا، الا أن جورجيا حتي لحظة كتابة المقال، مازالت من الدول الي بتسمح للمصريين السفر والهجرة ليها بشروط مش صعبة.

2- جورجيا بلد نامية لسا خارجة من حرب مع روسيا، والبلد بتقف علي رجليها وماشية في اجراءات الانضمام للاتحاد الاوروبي، يعني بلد ممكن تلاقي فيها فرص في المستقبل.

طيب اعمل ايه عشان اقدر اخد اقامة في جورجيا واشتغل واعيش هناك !

1- اول حاجة هتعملها انك تقدم علي فيزا “اون لاين” من خلال الموقع ده، مش هتاخد اكتر من 5 ايام وتكلفة 20 دولار وهيوصلك علي الميل بتاعك تأشيرة الكترونية مدتها 3 شهور بشرط انك متقعدش في البلد هناك اكتر من 30 يوم متواصل،او تروح بنفسك للسفارة في المهندسين، وفي الغالب كله بياخد التأشيرة بدون اي مشاكل ومن اول مرة.
2- اول ماتوصل العاصمة تبليسي وتستريح، اول خطوة هتعملها عشان تفتح شركة خاصة بيك، هتروح مكان اسمة “Justice House” ودة مكان بالظبط زي مجمع التحرير عندنا مع الاختلاف طبعا في المعاملة والتحضر، علي باب المكان ده هتلاقي ناس هتسألك عاوز تعمل ايه، اختار حد الانجليزي بتاعة كويس وفاوضة في السعر وهو هيخلصلك ويترجم ليك كل الاوراق المطلوية في أقل من نص ساعة والأحسن تكون معاة وهو بيعملك الورق ده، في جميع الاحوال متسبش جواز سفرك لحد ومتدفعش فلوس غير لما تخلص خالص.
بعد ماتخلص ورقك هتدخل المكان ده وتاخد رقم تملي شوية بيانات عن اسم شركتك وبياناتك الشخصية وتسلم الورق، بس كدا وتيجي تاني يوم تستلم ورق شركتك، الخطوات ده كلها لافيها رشوة او واسطة، القانون هناك قوي وبيحمي وبيشجع الاستثمار.

طيب ثانية واحدة هو انا معايا رأس مال اساسا عشان يبقي عندي شركة، الي مش هتصدقة ان الشركة ده ممكن تفتحها برأس مال 100 دولار، المهم وانت بتعمل الشركة هيسألوك نوع شغلها ايه خليها مفتوحة لكافة الأنشطة عشان متبقاش متقيد بعد كدا في نوع معين من الشغل.

3- دلوقتي انت عندك شركة، تقدر علي حسها تفتح اي حاجه بتعرف تشتغلها زي مطعم،كافية، شركة سياحة، ولو ملكش في دول ممكن تشتري عربية وتشغلها تاكسي “مشروع مربح هناك” خصوصا ان رخصتك المصرية معترف بيها هناك وتقدر تسوق بيها هناك بدون رخصة دولية، او اي مشروع تاني، ده يتوقف علي كل شخص والي هو عاوز يعملة، وفي الحالة ده بتاخد الاقامة بسهولة وبتكون 6 شهور او سنة لاول مرة.
ولو مافيش فكرة في دماغك لسا، خلص اوراق الشركة وهات محاسب يعملك تأمينات وضرايب وادفعهم وهيدوك الاقامة لحد ماتبدأ في فكرة بجد.
طيب لو مش معايا رأس المال ده الي هفتح بية المشروع اعمل ايه !

في الحالة ده هتشوف حد يعينك بعقد عمل وتدفعلة فلوس وبعد كدا ممكن يلغية بعد ماتاخد الاقامة وطبعا ده مقابل مبلغ مالي مش بيكون كبير برضه يعني “500 دولار” مثلا.

*نصيحة، في جميع الاحوال حاول تتعلم روسي قبل ماتسافر او اتعلم جورجي هناك لو خدت الاقامة، لان الناس هناك مش بيتكلموا انجليزي كويس.

-الحساب البنكي:

في جميع الاحوال هتحتاج حساب بنكي هناك عشان الاقامة او العمل هناك، الغريب ان في الوقت الي بيطلبوا منك في بلدك مبلغ كبير عشان تفتح حساب واوراق كتير وفي الأخر برضه مبتعرفش تشتري بفلوسك اي حاجه برة مصر بسبب القيود التعجيزية المفروضة علي بطاقات الإئتمان هناك الوضع مختلف تماما،ببساطة تقدر تفتح حساب بنكي في جورجيا ب 50 دولار +جواز سفر، واليوم التالي تبدأ تستخدة حسابك وبطاقات الإئتمان الي ملهاش حد “ليميت” استخدام زي هنا، فية بنوك هناك كتيرة من احسنها ” TBC”، أفضل بنك في جورجيا لعام 2016.

تحديث”التصريح الامني” :
بعد فرض تصريح أمني علي السفر الي جورجيا من مصر، أصبحت التأشيرة الالكترونية عديمة الفائدة، في الحالة ده هتقدم في السفارة مباشر ، الاول تملي الاستمارة من علي الموقع وده فيديو شرح ازاي تملي الاستمارة فيديو .

-هتعمل ايداع ب 20 دولار في بنك CIB، وحجز فندق وطيران مبدئي+ كشف حساب لاخر 3 شهور وتأمين سفر.

بالنسبة لخطوات استخراج التصريح الأمني فبيكون من مجمع التحرير، إذا كنت طالب في الحالة ده بتحتاج دعوة من حد هناك او ممكن اي شركة سياحة تعملهالك من مصر بمقابل مادي ، اما إذا كان مكتوب في جواز سفرك اي مهنة فمش هيبقي فيه مشكلةن واستلام التصريح بيكون بعد 4 أيام عمل.

إشارة

جورجياـسياحة،اوروبا

نبذة عن الكاتب

Adam

حطت أقدامى في أراضٍ مختلفة، امتزجت شخصيتى بثقافتها، تأثرت بحضاراتها، تعلمت من شعوبها، وتفاعلت مع أحداثها، وما زلت أشعر أنه ينقصنى الكثير وأن رحلتي لم تبدأ بعد

تعليقات

محمود محمد يوسف ديسمبر 3, 2017 at 6:41 ص

الحصول على اقامه سياحيه

maqueda يناير 9, 2018 at 4:25 م

عميلنا العزيز من فضلك تواصل مع سفارة البلد الذي ترغب في السفر اليه لمعرفة كافة التفاصيل.شكر

محمود عبده يناير 3, 2018 at 6:22 م

انا مقيم بالسعودية وكنت متاابع ان جورجيا هتدخل اتحاد اوربي قريب سؤالى اى الاجراءات إللى اعملها عشان اسافر من السعودية لجورجيا مش هسافر من مصر
لو عاوز اشترى هناك شقة او محل او اشارك حد فى فندق ده تقريبا تكلفته كام لو فى تبليسي

Hermes يناير 9, 2018 at 4:46 م

عميلنا العزيز أود اخباركم بأن تاشيرة جورجيا غير مطلوبة لمواطني دولة الامارات للأقامة في مدة تتراوح من 90 الي 182 يوم.للمزيد من المعلومات يمكنك الدخول علي الموقع التالي

https://destinia.com/m/servicios-adicionales/visados/
https://georgia.visahq.ae/
شكرا!

محمد رجب عبد العزيز على عبدالرحمن يناير 13, 2018 at 10:20 م

كيفية الحصول على التاشيره وتذاكر السفر
Ahmed يناير 16, 2018 at 2:48 م

السلام عليكم
الموضوع ده انا قريته حالا
الف شكر علي الموضوع الشيق ده
الصراحة جه في وقته.

بس عندي ٣ اسئلة
١- ايه هي الانشطة الاكثر طلبا (غير بيع و شراء العقارات) اللي ممكن نسنثمر فيها؟
٢- ايه نظام التعليم و التامين الصحي بالنسبة للمستثمر و اسرته؟
٣- فيه مدارس انجليزية هناك؟
٤- اكثر مكان اقتصادي يصلح للاقامة و بدء مشروع صغير (مطعم) يكون فين بالضبط؟

شكرا لادبكم و ذوقكم
كل التوقيق.
جمال الرياطي فبراير 24, 2018 at 12:22 م

لم اجد الجنسية الفلسطنية عندا تعبئة الطلب هل هي من الجنسيات الغير مسموح لها وكيف يمكن التواصل معكم لتقيم الطلب

Hermes مارس 2, 2018 at 11:49 ص

عزيزي المسافر، إذا كنت ترغب في الاتصال بنا للحصول على شيء يتعلق الحجز أو رحلة القادمة، يرجى الكتابة إلى arabicattention@destinia.com
تحية!

Ashraf nagib أبريل 12, 2018 at 1:43 ص

سؤالى هو انا مصري بس لو حبيت اسافر جورجيا بس مش من مصر من اى بلد تانى زى الاردن او دبي فى الحاله ديه ينفع اعمل فيزا الكترونيه واسافر من هناك ؟؟؟؟؟؟

Adam يونيو 28, 2018 at 3:17 م

السلام عليكم ,
نأسف علي التأخير في الرد.
يرجي التواصل مع السفارة الجورجية المتواجده في البلد الذي تقيم به للاستفسار عن كل التفاصيل الخاصه بذلك.
أما بخصوص حجوزات الطيران والفنادق يشرفنا أن نقدم لك اقل الاسعار الممكنه وافضل العروض المتاحه.
شكرا جزيلا!

Ashraf nagib أبريل 12, 2018 at 1:53 ص

لو انا عايز اسافر جورجيا بس مش من مصر من الاردن او دبي او اى دوله تانى ينفع وقتها اعمل فيزا الكترونيه واسافر من هناك وانا مصرى ؟

Adam يونيو 28, 2018 at 3:16 م

السلام عليكم ,
نأسف علي التأخير في الرد.
يرجي التواصل مع السفارة الجورجية المتواجده في البلد الذي تقيم به للاستفسار عن كل التفاصيل الخاصه بذلك.
أما بخصوص حجوزات الطيران والفنادق يشرفنا أن نقدم لك اقل الاسعار الممكنه وافضل العروض المتاحه.
شكرا جزيلا!

Ayman Yassin أبريل 27, 2018 at 9:12 م

انا مصري مقيم فى دول الخليج ممكن استخرج تأشيرة إلكترونية مباشرة

Adam يونيو 28, 2018 at 3:13 م

السلام عليكم
عميلنا العزيز للاستفسار عن اي معلومات خاصة باستخراج تأشيرة سفر لأي دولة يجب عليكم التواصل مع سفارة نفس البلد مباشرة

أما بخصوص حجوزات الطيران والفنادق يشرفنا أن نقدم لك اقل الاسعار الممكنه وافضل العروض المتاحه.
شكرا جزيلا!

Ayman Yassin مايو 12, 2018 at 6:46 م

السلام عليكم ورحمة الله وبركاته
انا مصري مقيم فى السعودية اقدر احصل علي تأشيرة الكترونية مباشرة
يجب ان احضر معي كشف حساب البنك 3 شهور اللى فيه راتبي
انا مهنتي فى جواز السفر حاصل علي بكالوريوس تجارة لازم اغيرها

Adam يونيو 28, 2018 at 3:06 م

السلام عليكم أستاذ ايمن,
نأسف علي التأخير في الرد.يرجي العلم أنه بالنسبة للأقامه في جورجيا يتوجب عليكم التواصل مع السفارة الجورجية لاخباركم بكل التفاصيل المتعلقة بالأقامه هناك.
أما بخصوص حجوزات الطيران والفنادق يشرفنا أن نقدم لك اقل الاسعار الممكنه وافضل العروض المتاحه.
شكرا جزيلا!

احمد العمايره يونيو 12, 2018 at 6:27 م

الف شكر على المعلومات القيمه

Adam يونيو 18, 2018 at 12:32 م

شكرا علي ثقتكم بنا 🙂

ايمن أغسطس 10, 2018 at 6:25 م

اولا مقالة زي ديه و مقالات اخري شبيه خليت جورجيا ترفض اعطاء الفيزا للمصريين بالذات
ثانيا علشان تعمل شركة محتاج تعمل ايداع وديعة للحكومة بمبلغ 2000 دولار مش 100 دولار
ولازم يكون عندك عنوان للشركة الموضوع مش بالبساطة الساذجة المكتوب بيها المقال
و ان الرخصة المصرية معترف بيها في جورجيا غلط فقط الرخصة الدولية

Adam أكتوبر 9, 2018 at 1:34 م

السلام عليكم

شكرا جزيلا لتفاعلكم على منشورنا

عمر البشير نوفمبر 12, 2018 at 9:00 ص

انا عمر البشير حابب احصل على هجره عائليه او تأشيره الكترونيه مع العلم انني حاصل على شهادة بكالوريوس ادب انجليزي ايضا على شهادات محليه و اسيويه ودوليه في تدريب كرة القدم

Adam يناير 28, 2019 at 11:58 ص

السلام عليكم استاذي العزيز
نعتذر عن التأخير في الرد,في هذه الحالة يرجي التواصل مع سفارة البلد الذي تريد السفر اليه للاستفسار عن ذلك.
شكرا جزيلا!

أحمد نوفمبر 18, 2018 at 4:40 م

هذا الكلام الذي قيل في المقال ليس صحيحاً بالمطلق فأنا ارسلت صديق لي لاستطلاع الوضع في جورجيا وكلامكم ليس صحيح للأسف اتقوا الله في الناس لأنه في ناس تروح هناك وتتفاجاء بالقوانين… هي بلد فيها سهولة لكن ليس بالدرجة التي أخبرتك عنها انتم

Adam يناير 28, 2019 at 12:00 م

السلام عليكم استاذي العزيز
شكرا جزيلا علي رأيكم ودائما اختلاف الاراء لا يفسد للود قضية.