Facebook Twitter Pinterest Linkedin Google + Email Whatsapp Telegram

فى حوار خاص لديستنيا 

المغامر المصري عمرو عبد الجيد يكشف عن روشتته السحرية لتحقيق أحلام السفر حول العالم!

الطموح هو المنافس الأول للحب فى صنع المعجزات وهو ليس مجرد صفة بل هي موهبة إستغلها المغامر المصري عمرو عبد الجيد فى تحقيق حلمه ليكون أول رحالة مصري يجوب أوروبا من الشمال الى الجنوب فقط بدراجته وخيمته وحفنه من اليورو قرر أن يكون معدل إنفاقه واحد يورو فقط فى اليوم ولم يقف طموحه عند هذا الحد بل قرر أن تكون أوروبا بالنسبه له مقر لنمو طموحه وحياته المهنية وليست فقط وجهة للترحال 

وفي حوار خاص لديستنيا يكشف عمرو عبدالجيد روشتته السحرية لكل شخص يطمح فى الترحال حول العالم.

فى البداية حدثنا عن فكرة سفرك حول أوروبا بالدراجة وما هدفك من ورائها ؟

أنا هدفي فى الأساس كان تغيير مفهوم السفر بشكل عام كل الشباب بتعتقد أن السفر محتاج فلوس كتير وترتيبات أكتر عشان تقدر تزور دولة واحدة وانا دايما كنت بشوف ان السفر عاوز تنظيم كويس وطموح وإستخدام إمكانياتك أيا كانت بشكل صح عشان كدة قررت أني أخوض تجربة السفر بالدراجة حول أوروبا وبالفعل لفيت اسبانيا وايطاليا وفرنسا ودولة صغيرة موقعها بين فرنسا وايطاليا اسمها اندروا فى رحلة مدتها عشرين يوم ومصرفتش إلا عشرين يورو بمعدل يورو واحد بس فى اليوم للاكل وطبعا معايا خيمتي وبعض المعدات اللازمة للرحلة بيكون ليهم مكان فى الدراجة اللى سافرت بيها والمخصصة للرحلات دي لأن فى اوروبا رحلات الدراجات مشهورة جدا 

وماذا عن أهدافك الشخصية لتلك الرحلات ؟

هدفي الأساسي كان إني اتعلم ثقافات جديدة واشوف ناس مختلفة وطبعا أكون علاقات أقدر أستفيد منها فى مهنتي الأساسية وهى الهندسة.

هل قمت برحلات أخري بخلاف رحلتك بالدراجة ؟

بالتأكيد سافرت أكثر من دولة فى أوروبا أيضا عن طريق الأوتو ستوب وهى وسيلة كنت بعملها برضه توفير مادي وتعرف على ثقافات فكنت بضرب عصفورين بحجر واحد.

دراجة-اوروبا

كيف انتقلت للاقامه والعمل في فالنسيا- اسبانيا ؟

أنا من أكتر من 5 سنين وكان عندي ولع بالبيزنيس والسفر ومعرفة الثقافات المختلفة وكان عندي حلم إني أعمل علاقات من خلال سفري في كل بلد أروحها علشان يجي اليوم اللي ممكن أعمل بيزنيس فيه في البلاد والدول دي “,وكان عندي حلم إن يجي اليوم اللي إحنا فيه كمصريين أو عرب إحنا اللي نفتح شركاتنا في أوروبا مش العكس ونكسر عقدة الخواجة وعقدة الشركات الإنترناشونال” وكان قدامي معوقات كتيرة منها إني لازم أتعلم لغات تانية بجانب إني كان لازم أتقن اللغة الإنجليزية وكمان لازم أدرس بيزنيس ,وكمان لازم أتابع كل بلد أنا ناوي أروحها وأعرف عنها كل المعلومات من ناحية العادات والتقاليد والتاريخ والأكل والشرب وكمان السياسة والإقتصاد وإيه هي فرص البيزنيس اللي موجودة فيها ، وفعلاً عملت خطة لتطوير نفسي ودرست إدارة أعمال.

وطورت من إتقاني للغة الإنجليزية لغاية أما بقيت معنديش أي عائق في التعامل بيها ، وبعد سنة بالظبط بدأت أسافر كل بلد وأعد فيها فترة وأعمل علاقات فيها وأتعلم أساسيات اللغة بتاعتها علشان أعرف أتعامل في المواقف البسيطة ، لدرجة إني إتعلمت البدائيات لحوالي 10 لغات تقريباً ( فرنسي ، ألماني، إيطالي ، إسباني ، تركي ، صربي ، كرواتي ، سلوفيني ، جورجي ، أرميني ، يوناني) ، وبعد سنتين من السفر وجدت منحة في مؤسسة دولية إسمها Jovesolides.

ودي بتشتغل في ريادةالأعمال الإجتماعي والإبداع وليها 5 فروع في العالم ، المنحة دي ساعدتني إني أقدر أعيش في فالينسيا وإني أقدر أطور من مهاراتي وقدراتي بشكل كبير ، وعملت علاقات مع أكتر من 70 دولة من خلال شغلي مع المؤسسة الدولية دي ، وحالياً أنا خلصت المنحة بتاعتي ومتفرغ لعمل البيزنيس الخاص بي واسمه Business Hacker EU

وأنا إخترت إني أكمل في فالينسيا ، لإن أنا سافرت أكتر من 13 دولة حوالين أوروبا (سويسرا، فرنسا ، ألمانيا ، كرواتيا ،صربيا ، فرنسا ، أندورا ، إيطاليا ، موناكو، تركيا، سلوفينيا ، النمسا ، إسبانيا ) ، بمجموع حوالي 85 مدينة وأكتشفت إن فالينسيا هي الأفضل من حيث ان الطقس تقريباً نفس الطقس في القاهرة وهي أرخص مدينة من حيث تكاليف المعيشة والأقرب للشرق الأوسط بالنسبة للمواني البحرية اللي هتسهل عملية وحركة التجارة بين إسبانيا والشرق الأوسط.

بيزنس-في-اسبانيا

ماهي مخططاتك في مجال الترحال الفتره القادمه؟ 

بفضل إن أستكشف أكتر شرق وشمال أوروبا وأتعرف عليهم بشكل أكبر وعلشان كده 

ان شاء الله مسافر يوم 13 يوليو 2017 بلغاريا علشان اكتشف مدينة صوفيا وأتعرف علي ثقافة البلد وإيه أهم الفرص اللي فيها، وكمان عندي تدريب لمدة أسبوع في مدينة تانية إسمها Veliko Tarnovo, وفي أكتوبر القادم هزور ليتوانيا ولاتفيا وبولندا .

وماهي أهم النصائح التي تقدمها لأي شخص يقدم على خطوة السفر والترحال؟ 

أول حاجة لازم يفكر فيها هو إيه هو هدفة من السفر قبل السفر نفسه لإن ده بيفرق في التجهيزات للرحلة والمدة اللي هيعدها بره وكمان إيه هي إحتياجاته .

لازم يحضر كويس للسفرية بتاعته من حيث الميزانية اللي هيحتاجها والأسعارهناك منحيث المواصلات والأكل والشرب وده من خلال موقع إسمة

Numbeo https://www.numbeo.com/cost-of-living/

وبالنسبة لحجز تذكرة الطيران : فيه مواقع ممكن تقدر تجيب منها أسعار تذاكر طيران رخيصة زي :

https://www.skyscanner.net/ 

https://destinia.com/

https://www.kayak.es/flights

مغامر-مصري

ودي مواقع بتجيبلك أرخص شركة طيران ممكن تسافر من خلالها من المكان اللي أنت عايزة لأي مكان تاني في العالم .

وفيه كمان شركات طيران أصلاً أسعارها رخيصة جداً ومش مكلفة تقريباً زي :

•Pegasus

•WizzAir

•Easy Jet

•Condor

وده موقع ممكن منه تقدر تعرف رأي الناس اللي جربت شركات الطيران دي قبلك 

http://flight-report.com/en/index/ 

-بالنسبة للسكن ال Accomodation : فيه 3 مواقع هيساعدوه إنه يلاقي أساعر رخيصة أو تقريباً ببلاش زي :
Airbnb.com
Couchsurfing.com
destinia.com

من جنوب مصر الي اوروبا، عمرو عبد الجيد قصة نجاح شاب مصري بالخارج 1

Facebook Twitter Pinterest Linkedin Google + Email Whatsapp Telegram

نبذة عن الكاتب

مقالات متعلقة

شارك في النقاش