Facebook Twitter Pinterest Linkedin Google + Email Whatsapp Telegram

كمصريين، احيانا بيكون عندنا مشكلة في السفر برة مصر بسبب صعوبة الحصول علي التأشيرة !

ومع انخفاض قيمة الجنية، وطبعا زيادة اسعار الطيران والفنادق لانها مرتبطة بالعملة، السفر بقي صعب شوية، ولازم ندور علي الدول الي تأشيرتها مش صعبة او مُكلفة، السفر مش شرط يكون لاوروبا او امريكا، فية اماكن كتير جميلة ممكن تسافر ليها وتأشيرتها سهلة.

1- ماليزيا:

ماليزيا تُعتبر من أجمل دول آسيا وهي الوجهة السياحية الاولي للسائح العربي بشكل عام ، الناس هناك شبهنا وتقاليد البلد قريبة مننا، ماليزيا مش بتطلب فيزا بس ليها تصريح أمني من “مجمع التحرير” وده سهل بياخد كام يوم وتستلمة.

ملحوظة مهمة حتي لو في جواز سفرك مكتوب مهنة لازم برضة تجيب تصريح امني.

2- تايلاند:

تايلاند دايما هتلاقيها من اول 4 دول علي مستوي العالم من حيث عدد الزوار كل سنة، ملهاش فيزا وليها تصريح امني وسهل برضه مش بياخد اكتر من 4 ايام.

3- كوريا الجنوبية:

من البلاد المتقدمة جدا في جميع المجالات والسفر ليها متعة وتجربة ملهاش مثيل، كوريا الجنوبية مش بتطلب فيزا في حالة السفر ليها كسياحة، بس خد بالك لانك لما توصل المطار هناك ظابط المطار هيسألك جاي ليه وايه البرنامج، يعني هيعمل ليك زي “مقابلة” قبل ماتدخل البلد وده بسبب الحالات الكتير لكسر الفيزا من المصريين هناك.

4- لبنان:

 تذاكر الطيران ليها مش غالية وبلد جميلة جدا للسياحة، لبنان مش بتطلب فيزا بس الاحسن بس يفضل يكون معك مبلغ مالي “من 1.000 ل 2.000” دولار وانت داخل المطار هناك.

ماليزيا

5- هونج كونج:

هونج كونج، جزيرة تابعة للصين مش بتطلب منك تأشيرة دخول ، بحد اقصي 3 شهور، بس خلي بالك لان الحياة هناك غالية.

6- جزر المالديف:

دايما اسم جزر المالديف مرتبط في أذهان الناس بانة مكان غالي جدا للسفر، وده كلام مش مظبوط لان جزر المالديف متقسمة جزر سياحية غاليه وجزر محلية وده سعرها معقول جدا، الأهم ان جزر المالديف مش بتطلب منك فيزا، وبتاخد الفيزا هناك في المطار.

7- كينيا:

افريقيا ناس كتير مش بتحب تسافر ليها رغم ان افريقيا فيها مناطق كتير ساحرة وتستحق تجربة السفر ومن الدول ده كينيا الي مش بتطلب منك تأشيرة مسبقة وبتاخد الفيزا هناك من المطار مقابل 50 دولار.

8- مدغشقر:

مدغشقر جزيرة تُعتبر جنة علي الارض في افريقيا وبتدي للمصريين تأشيرة لمدة 90 يوم وبتاخدها من المطار هناك.

مدغضقر-لفريقيا

9- دومينيكا:

حبينا نختار دولة من امريكا الجنوبية، دومينيكا هي جزيرة في البحر الكاريبي، دولة الدومنيكان بتدي للمصريين تأشيرة دخول لمدة 21 يوم 

10- جورجيا:

جورجيا لحد وقت قريب كانت بدون تاشيرة، فقط فيزا “اون لاين “، وعلي الرغم أن جورجيا دخلت ضمن التصريح الأمني الا انها لسا من الدول السهل جدا الحصول علي تأشيرتها، وبتديك فيزا 3 شهور بحد أقصي شهر هناك.

 جورجيا-اسيا

Facebook Twitter Pinterest Linkedin Google + Email Whatsapp Telegram

نبذة عن الكاتب

حطت أقدامى في أراضٍ مختلفة، امتزجت شخصيتى بثقافتها، تأثرت بحضاراتها، تعلمت من شعوبها، وتفاعلت مع أحداثها، وما زلت أشعر أنه ينقصنى الكثير وأن رحلتي لم تبدأ بعد

شارك في النقاش

تعليقات

  • أحمد فبراير 20, 2018 at 11:37 م

    فى جزيرة اسمها مايوت ازاى اخلص اجراءات للسفر اليها من مصر

  • سيد عباس مارس 24, 2018 at 12:39 م

    مفيش شنغن

  • Hala يونيو 14, 2018 at 4:48 م

    انا عايزا اسافر انا واولادى فى راس السنه إيطاليا

  • Adam يونيو 18, 2018 at 12:29 م

    السلام عليكم.
    نأسف علي التأخر في الرد!
    للاستفسار عن اجراءات السفر يمكنك التواصل مع سفارة البلد التي تتبع لها الجزيرة.
    شكرا جزيلا!

  • Adam يونيو 18, 2018 at 12:31 م

    السلام عليكم
    للأستفسار عن أرخص الاسعار والعروض المتاحة يمكنك زيارة موقعنا الألكتروني أو التواصل مع خدمة العملاء للمساعده.
    شكرا جزيلا!

  • Adam يونيو 28, 2018 at 3:18 م

    السلام عليكم ,
    نأسف علي التأخير في الرد.
    أود اخباركم انه يجب عليكم التواصل مع سفارة البلد الذي ترغب السفر اليه مباشرة للاستفسار عن كامل الامور الخاصة بالتأشيرات.
    شكرا جزيلا!